Unha invitación a contemplar e compartir a beleza da Lúa.
Aprendera dende pequeno a mirar o ceo e a noite, sobre todo a maxestosa saída da Lúa. Dime, Lúa, como estás? , preguntaba Paulo. Baixa, por favor. Gustaríame tanto que todos aquí puidesen admirarte... A Lúa non respondía e non se movía nin un centímetro, ata que unha noite comezou a descender.
Escrito por Guia Risari cunha linguaxe poética e evocadora e ilustrado por Paulo Domeniconi con gran detallismo e cun brillante tratamento da luz, Noite de Lúa é un álbum ilustrado no que texto e imaxe conflúen de maneira harmónica para narrar unha historia tenra e emotiva sobre a necesidade da beleza e a importancia de compartila e gozala en colectivo.
Unha proposta fascinante para lectoras e lectores de todas as idades que nos convida a descubrir a beleza da Lúa inesgotable fonte de inspiración para a creación artística e nos envolve na súa atmosfera onírica chea de misterio e curiosidade.
