Un álbum delicioso sobre sentimentos co que moitos lectores e lectoras se sentirán identificados.
Hoxe Paulo ten un mal día e todos os plans reciben a mesma resposta: Non! O tobogán do parque esvara demasiado, a auga para nadar está demasiadomollada e no cine hai que estar quieto demasiado tempo. Pero mamá sabe que o mellor que se pode facer cando un está de mal humor é saír a dar un paseo e recibir unha aperta de amizade.
A artista ucraína Natalia Shaloshvili escribe e ilustra esta historia chea de amor, humor e tenrura na que o seu protagonista é capaz de superar o sentimento negativo coa axuda dos amigos e da familia. Un álbum con moitos matices que, a través dun texto sinxelo, traslada a idea de que o enfado, a tristura ou a ira, sentimentos que a miúdo temos todos, poden superarse en compañía dos seres queridos. Un álbum ideal para compartir e para reflexionar cos máis pequenos.
