Despois dun tráxico accidente en alta mar, Ulises xa non é o mesmo. Pensa que, talvez, percorrer o Camiño de Santiago poida axudalo a recuperar o seu antigo «eu». No Camiño coñece a Kemen, un mozo que sempre leva un sorriso na cara, e axiña se fan amigos. Ao longo da ruta, Ulises terá que enfrontarse aos seus medos e descubrirá que, por detrás dos sorrisos, todos cargamos cunha mochila chea de temores.
