EUSKAL HERRIAN EZAGUTU BEHARREKO LANDA-EREMUKO 101 LORE

Gidaliburu honetan, Euskal Herriko landa-eremuko loreen -habitat erruderal eta soroak- hautaketa adierazgarria erakusten da, lurralde osoko ikusgarrienak eta arruntenak. Talde bakarra baztertu da, ugaria den arren lore apalak dituelako: gramineoen taldea. Hemen deskribatzen diren loreetako asko, edozein ibilbidetan topatuko dituzue, bai ingurune naturalean, bai hirigunetik hurbil, bai nekazaritza-lurretan. Horietako batzuk urte osoan zehar ikusiko ditugu, eta beste batzuk, berriz, epe laburrean bakarrik. Espezie inbaditzaile batzuk ere barneratu dira, horiek ezagutu eta gure ekosistemetan eragin dezaketen kalteez jabetzeko. Loreak landareen atalik ikusgarrienak dira eta udaberria iristean gure paisaiak koloreztatzen dituzte. Forma eta kolore asko hartzen dituzte, eta, haien edertasunari esker, intsektu ugari erakarri eta elikatzen dituzte: erleak, tximeletak eta kakalardoak. Horregatik guztiagatik, gida honetako 101 espezieak loreen kolorearen arabera antolatu dira, gida hau edozein erabiltzailerentzako baliagarria izan dadin. Landareak ezagutzea, hauek balioan jartzeko lehen urratsa da, eta horretara gonbidatzen zaituztegu!