Imaxinade por un intre que a escultura pétrea do Mestre Mateo, popularmente coñecida como O Santo dos Croques, e mais un par de figuras do Pórtico da Gloria da catedral de Compostela cobran vida e se poñen a facer o camiño de Santiago coma uns peregrinos máis. Ese é o argumento do presente libro, escrito co humor, a retranca e a imaxinación características do autor, que se amosa seguidor dunha tradición literaria moi nosa.
