Nas rúas da cidade de San Francisco xa non hai xente amable con flores no cabelo, como dicía aquela vella canción. Malia sabelo ben, Paul Rothko aventúrase nun estraño traballo como acompañante de singles contratado pola axencia Good Friend. Seguímolo durante os seus excepcionais servizos, vémolo pasar dunha clienta a outra e mesmo facerse cargo dunha nena de sete anos con máis sentido común ca os adultos que a rodean, mentres lida cunha noiva imprevisible que aparece e desaparece da súa vida sen avisar. Con humor, ironía e abondosas referencias cinematográficas, Cid Cabido fainos reflexionar sobre diversos aspectos da actual sociedade global: a soidade e a incomunicación nas grandes cidades, a mercantilización das relacións persoais, a nova distribución de roles entre homes e mulleres, a evolución da arte contemporánea ante os cambios de mentalidade, a revisión do concepto de amor romántico, o impacto das redes sociais nos costumes
